قبل الدورة بحوالي أسبوع … تلاقي “الحالة اشتغلت”!
الجسم بيبدأ يفرز مجموعة من “الإفرازات” النفسية والجسدية، بشكل كومبو و كأنك داخلة على حفلة هرمونات متكاملة:
😞 حزن مفاجئ، اكتئاب، بكاء من غير سبب.
😤 غضب، صداع، عصبية، إحساس إن دمك بيغلي و كأنك قنبلة موقوته.
🩹 ألم في أسفل البطن أو الظهر
📈 وزن بيزيد فجأة
💩 إمساك أو إسهال و ممكن مشاكل في التبول
🍫شراهه للأكل على غير العادة خصوصا الحلويات و أوقات موالح
وكل ده بيحصل لأن الدورة “هتشرف” كمان كام يوم.
متقلقيش… ده طبيعي، وده اللي بنسميه:
متلازمة ما قبل الدورة الشهرية (PMS)
📌 وغالبا بتبدأ الأعراض من 5 لـ 11 يوم قبل نزول الدورة، وبتنتهي أول ما الدورة تبدأ أو بعدها بيومين بالكتير.